Nougatkökur

Ég fékk þessa uppskrift senda á Facebooksíðu Matarbitans frá Líney Laxdal, takk kærlega fyrir Líney :)

‎4 eggjahvítur
150 gr sykur
3 tsk vanillusykur
65 gr smjör(líki)
40 gr hveiti
150 gr möndluspænir.

Eggjahvítur stífþeyttar,sykri og vanillusykri bætt saman við og þeytt vel. Þetta verður að vera vel stíft eins og marengs.
Mjúku smjöri,hveiti og möndlum blandað saman í annarri skál og eggjahvítublöndunni bætt varlega saman við.
Sett á bökunarpappír með skeið og hafið gott bil á milli,þær renna soldið út. Bakað við 200 gráðu hita í ca 10 mín,látið kólna á pappírnum.
Tvær og tvær kökur eru svo lagðar saman með bræddu nougat eða súkkulaði eftir smekk.