Æðisleg gulrótarsúpa

Útbúin 7-9-13

• ca 500 gr gulrætur (skornar í bita)
• 1 laukur (skorinn í bita)
• 3-4 cm engiferrót (afhýdd og rifin)
• 2 hvítlauksrif (skorin smátt)
• Kjúklinga/grænmetissoð (ég setti 3 kjúklingateninga+2 grænmetisteninga í 1 líter af vatni)
• ca 1 dl appelsínusafi
• salt & pipar
• 1 rauður chilli pipar
• sýrður rjómi ef vill

Útbúðu soðið í einum potti og settu til hliðar.  Steiktu svo engifer og hvítlauk í öðrum potti í smá olíu, bættu svo gulrótunum og lauknum útí og svitar aðeins.  Helltu útí þetta soðinu og settu chilli piparinn heilann útí !  Hann gefur rosa gott bragð en er svo tekinn úr eftir suðu, salta og pipra smá, og láta þetta malla í 30-40 mínútur (þar til gulræturnar eru orðnar mjúkar og auðvelt að mauka þær)
MUNA AÐ TAKA CHILLI PIPARINN ÚR ÁÐUR EN ÞÚ MAUKAR !  Taktu af hellunni, maukaðu með töfrasprota eða settu í matvinnsluvél og maukaðu, settu svo appelsínusafann útí, hitaðu saman og borðaðu með góðri lyst :)
Gott að setja smá skvettu af sýrðum rjóma út í :)