Ýsa í kókos og karrý

800 gr ýsa, roð- og beinlaus
1 laukur
3-4 dl kínagrænmetisblanda (wok blanda, má vera frosin)
1 dós kókosmjólk
4 tsk grænt karrýmauk
smá salt

Skerið fiskinn í litla bita, raðið í eldfast form og stráið salti yfir.  Grófsaxið laukinn og dreifið honum ásamt frosna grænmetinu yfir fiskinn.
Hrærið kókosmjólkinni og karrýmaukinu vel saman í skál og hellið yfir.
Stillið ofninn á 200°C og bakið í miðjun ofni í 18-20 mínútur.
Berist fram með hrísgrjónum.