Súkkulaðikaka með bananakremi

Kakan :

250 g hveiti
1 tsk lyftiduft
½ tsk matarsódi
1 tsk salt
300 g sykur
4 msk kakó
125 gr smjörlíki (1 ¼ dl olía)
2 egg
1 tsk kanill (má sleppa)
2½ dl mjólk

Bananakrem : 

3 bananar
150 g flórsykur
175 g smjörlíki
100 g suðusúkkulaði raspað

Súkkulaðikrem :

2 egg (4 eggjarauður ef þú ert að nota hvíturnar í annað, það er örlítið betra)
60 g flórsykur
50 g smjörlíki
100 g suðusúkkulaði

Kakan:

Blandið þurrefnunum saman og myljið smjörlíkið í og vætið með 2/3 af mjólkinni.  Hrært í 2 mín.  Eggjunum og restinni af mjólkinni er bætt útí og hrært í 2 mín.  Bakað í 2 tertubotnum í 30 -40 mín við 175 gr C.

Bananakremið :

Merjið banana, þeytið flórsykur og smjörlíki saman og bætið súkkulaðinu ásamt bönunum út  í .  Smyrjið á neðri botninn og leggjið hinn yfir.

Súkkulaðikrem:

Bræðið smjörlíkið og súkkulaðið.  Þeytið eggin og flórsykurinn saman og bætið súkkulaðibráðinni saman við.  Hjúpið kökuna með kreminu og skreytið eftir tilefni.