Smjörbollur

Bakað 12-11-11

3 ¼ bolli hveiti ( skipt í 1 + ¼, og svo 2 bolla)
1 bréf þurrger
1 ¼ bolli mjólk
¼-½ bolli sykur (ég notaði bara ¼)
1 egg
1 tsk salt
¼ bolli butter flavored shortening (fæst í Kosti)
smjör, brætt

Settu 1+¼ bolla af hveiti í stóra skál, settu þurrgerið úti og blandaðu saman…..settu svo til hliðar.
Settu í pott mjólkina, sykurinn og shortening og bræddu saman við miðlungshita þar til shortening-ið hefur bráðnað, hrærðu í stöðugt á meðan.  EKKI láta sjóða.
Helltu þessu svo útí hveitiskálina, bættu egginu við og hrærðu með handþeytara á lágum hraða í 1 mínútu og á háum hraða í 3 mínútur (þetta gerir bollurnar flöffí og fínar)
Bættu svo við saltinu og restinni af hveitinu, og blandaðu saman með sleikju eða bara höndunum þar til þetta er orðið að mjúkri deigkúlu.  Smyrðu skál með smá olíu, settu kúluna ofan í, lokaðu henni með plastfilmu ef ekki er lok á skálinni og settu í kæli í amk 2 klst.
Taktu úr kæli, kýldu loftið úr deiginu og bræddu smjörið.  Smyrðu eldfast mót með smjöri, og formaðu svo smá búta í einu af deiginu í hvaða form sem þú vilt og dýfðu í smjör, og settu svo í formið.  (já þetta er EKKI diet hehe)
Ég flatti út smá bút í einu á milli handanna, braut svo helminginn inn að miðju, síðan hinn helminginn líka og snéri því svo á hvolf….raðaði því svo bara í formið.
Skelltu viskustykki yfir þetta og geymdu á hlýjum stað í klukkutíma eða 2 og bakaðu svo við 200°C í 10-14 mínútur (mínar voru 14 mínútur)
Penslaðu svo með bræddu smjöri um leið og það kemur útúr ofninum og borðist strax.

Dósin lítur svona út og er í kælinum í Kosti